صدى الشام موقع يهتم بما وراء الحدث
مذيعة: ننتقل بكم مباشرة إلى القصر الجمهوري حيث تؤدّي الحكومة الجديدة قسمَها أمام السيد الرئيس.
الوزراء: نقسم بالله العظيم أن نكون كلاباً أوفياء لك، فكما صنعت منا وزراء، ووضعتنا على كراسيَ لم نكن نحلم بالمرور إلى جانبها، وكما فتحت لنا الخزائن كي نفعل ما نشاء، وقتما نشاء، فإننا نعاهدك أن نسير على خُطى “أباك” من قبلك، وأن نظلّ “خلفك”، ونسير بأوامرك، وألا نخالفك في السرّاء والضرّاء، لا على البحر ولا في الصحراء.
مصحح لغوي: أستاذ، مو كان لازم تكون خطى أبيك مو أباك؟
مخرج: ليش حبيبي؟
مصحح لغوي: لأنو أبيك مجرور بالإضافة، أما أباك…
مخرج: شو عم تحكي ولك حيوان؟ القائد الخالد مجرور بالكسر، شو أنت ما بتفهم، تعوا جروا لهالغبي..
مصحح لغوي: يا سيدي مثل ما بدكن أباك أباك، شو يعني مجرور، يستر عرضك مرّقها هالمرة، بلا ما نوقع بالمجرور، قال أبيك قال، أصلاً سيبويه ما بيفقه لا بالنحو ولا بالصرف، نحنا اللغة كلها عنا، إذا بدك أستاذ ممكن نعملها أبوك، وهيك بيكون مضموم بقلوب الجماهير؟
مخرج: إي والله ممتازة، اعملها أبوك، كتير حلوة حبيتها، بتصير خطى أبوك…
