صدى الشام موقع يهتم بما وراء الحدث
مذيع: معلم، بدكن تاخدونا على جنيف معكن هالمرة كمان؟
المعلم: لك يا ابني اقعود، واسكوت، خلّي غيرك يتسبب
مذيع: يعني معلم ما رح تاخدونا معكن؟
المعلم: مو قلنالك اقعود، واسكوت، في شباب وصبايا جاي عبالن يروحوا على جنيف، بلكي يطلعلهن كم فرنك
مذيع: بس والله معلم لسّه ما كملت حقّ السيارة
المعلم: ليش قديش طلعلك هديك المرة؟
مذيع: الله وكيلك بس خمس تالاف دولار
المعلم: بس
مذيع: إي والله
المعلم: العمى، ليش إنته ما جبت معك بضاعة من هونيك؟
مذيع: بضاعة شو؟
المعلم: يقطع عمرك شو حيوان، معقولة أخدناك معنا على جنيف، وما عرفت تجيب قطعتين تياب، او شي قنينين عطر مرتبين، تطالع من وراهن كم فرنك
مذيع: والله ما خطر على بالي فكرت الشباب جايبهن لنسوانهن
المعلم: ولك إنته حيوان شي، نحنا أخديناكن لحتى تزبطوا أوضاعكن، روح خلي الشباب يسجلوا اسمك،
مذيع: الله يخليلنا ياك يا معلم
المعلم: بدك تصير إعلامي ناجح وإنته ما بتعرف تجيب كم قطعة بضاعة… من (……..) تصيري إعلامي!!!
