صدى الشام موقع يهتم بما وراء الحدث
صدى الشام/
مذيعة: استقبل السيد الرئيس صباح اليوم…….
مخرج: ستوب، منين هالخبر؟
مذيعة: خبر عندي على الطاولة.
مخرج: ما في هالخبر بالنشرة عندي.
مذيعة: غريب، مكتوب، استقبل السيد الرئيس ….
مخرج: يا آنسة، يا عزيزتي، يا روحي، الرئيس من خمس سنوات لا يستقبل، توقف، أصلاً ما حدا عم يجي لعنا لحتى يسقبلو السيد الرئيس…
مذيعة: ولا سفير..
مخرج: لك ولا معاون وزير خارجية، يعني أكبر واحد إجا لعنا من خمس سنين يمكن وزير الدفاع الروسي.
مذيعة: بس هداك هو اللي استقبل الرئيس مو الرئيس هو اللي استقبلو
مخرج: شفتي شلون…
مذيعة: طيب شو نعمل بالخبر؟
مخرج: عزيزتي قولي اجتمع مع أعضاء قيادة فرع الطلائع وأعطاهن توجيهاتو… منيحة الطلائع من شو بتشكي…
مذيعة: ما بتشكي من شي، أصلاً أنا كنت طليعية لما كنت صغيرة
مخرج: برافو… صفقة طلائعية واحد تنين..
