صدى الشام موقع يهتم بما وراء الحدث
مذيعة: احتفاءً بعيدي الميلاد ورأس السنة، أقيمت الصلوات في كافة كنائس الجمهورية العربية السورية، وقد اقتصرت الاحتفالات هذا العام على الصلوات لراحة أرواح الشهداء. وألقى…
مخرج: طولي بالك، طيب شو الأخبار ما في منحة؟
مذيعة: منحة شو؟ ما في بالخبر شي عن المنحة
مخرج: إي شو استفدنا، بدنا منحة منشان نجيب مازوت
مذيعة: بلا هالحكي، هلأ بخلي أبو عبود يأمنلك برميل مازوت
مخرج: مين أبو عبود؟
مذيعة: المساعد أول رئيس الفترة
مخرج: رئيس الفترة الإخبارية؟
مذيعة: لك لأ، رئيس الفترة تبع المفرزة بالهيئة.
مخرج: إي والله فكرت حاطين مساعد أول رئيس الفترة الإخبارية لأنو بالعادة يكون نقيب أو رائد. إي كملي هالموجز لكان ما دام حلينا أزمة المازوت، والله يخليلنا أبو عبود والفترة كلها.
