صدى الشام موقع يهتم بما وراء الحدث
مذيعة: يسرنا أعزاءنا المشاهدين أن نستضيف العقيد سهيل الحسن الملقب بالنمر، عقيد سهيل لماذا يلقبونك بالنمر؟
العقيد: في الحقيقة عندما كنت صغير، يعني وأنا ولد كانوا يسموني الأسد، بس لما كبرت صرت نمر.
مذيعة: ممكن تشرح لنا
العقيد: يعني شوفي سيدتي، أنا ما بحب أحكي عن حالي كتير بس أنا عندي فلسفة خاصة بقدر قول إنو الأسد قوي جداً، بس مانو أقوى من النمر، هلأ صحي هداك ملك الغابة، بس النمر أقوى منو.
مذيعة: موكأنو هالكلام مو كويس، يعني كيف شقفة نمر لا قام ولا قعد بيصير أقوى من الأسد؟
العقيد: لا لا تفهميني غلط، أنا عم أحكي عن الحيوانات عن الغابة.
مذيعة: بالله شو، ليش مين قالك إني ما عم احكي عن الحيوانات، أنا كمان عم احكي عن الحيوانات، بس ما بسمح لحدا يتطاول ع الأسد، الأسد ملك الغابة.
العقيد: إي معك أنا، والله الأسد ملك الغابة وتاج راسي، وعمري ما بلاقي حيوان أقوى من الأسد،
مذيعة: إي هادا الكلام اللي بيحبوا مشاهدينا يسمعوه، شكراً إلك ولفلسفتك.
