بالسوري الفصيح

لما يقولوا عرس.. أول شي بيخطر على بالك الدبكة، إي لأنو الدبكة يا عمي توراس يعني فوركرور، وما فيك تروح على عرس بسوريا إذا ما بتعرف تدبك؛ هلا هلا وين الربع؟ طيب يا حزركن لما بيقولوا عرس ديمقراطي، بشو لازم تفكروا؟ ايوااااا يا عيني عليكن، بالدبكة هي نفسها ما في شي تغير، دبكة بس ديمقراطية. كيف يعني؟ خلوني اشرحلكن، اللي بيمسك ع الأول ويحمل السبحة ويلولحها، لازم يكون منتخب بطريقة ديمقراطية، لأنو مو كل واحد يقدر يوقف ع الأول، يعني لازم يحصل على إجماع الدبيكة، اللي هني بيعبروا عن الفسيفساء والتلاحم الوطني… طبعاً و هدول الدبيكة هني خلاصة التجربة الوطنية، ما في سوري ما بيدبك، بالدبكة بتقدر تحدد عدوك من صديقك، بالدبكة بتقاوم المشاريع اللي بتستهدف الصمود… كل سوري دبيك… انت سوري… انت دبيك.. طيب واحد متل حكايتي ما بيعرف يدبك شو بيكون؟ ما بدها سوْال: انت متآمر وعميل…

وبهالمناسبة نجدد العهد للدبيك الأول راعي الدبكة والدبيكة…. وحيهم…كما تقول الفنانة المناضلة سارية السواس.