صدى الشام موقع يهتم بما وراء الحدث
مذيعة: دكتور، شو فيك تخبّرنا
عن أمراض الشيخوخة؟
دكتور: يعني أمراض الشيخوخة
كتيرة، ومن بينها الضعف الشديد بالذاكرة، وضعف المفاصل، وأمراض الصدر.
مذيعة: يعني شيوخ الخليج
صابتهم كل هاي الأمراض
دكتور: لأ في فرق بين
الشيخوخة وبين شيوخ الخليج
مذيعة: لأ دكتور ما في فرق،
هني معهن شيخوخة،
دكتور: يا بنتي الشيخوخة
يعني التقدم بالسن، يعني ممكن يكون واحد من عنا ومعو هاي الأعراض
مذيعة: لأ دكتور، اسمحلي
صحح معلوماتك نحنا شعب شاب، وبحياتنا ما بنشيخ، وبنكره كل هدول الشيوخ الخونة
دكتور: يا آنسة، وحّدي
الله، شو دخل هي بهي؟
مذيعة: كيف شو دخل؟ نحنا
شعب المقاومة والممانعة، نحنا الجيش العقائدي الباسل، نحنا رمز الصمود والبطولة
دكتور: عفواً بس هادا
برنامج طبي مو هيك؟
مذيعة: إي طبي، ليش شو
بيتعارض الطب مع الممانعة؟
دكتور: لا والله ما
بيتعارض، بس في فرق.
مذيعة: ما في فرق، هاي هي
الحقيقة، هني غير نحنا، ونحنا غير هني، مزبوط وإلا أنا غلطانة
دكتور: لا أعوز بالله شو
غلطانة، أصلاً هني كلن تعبانين، وما بيقدروا يوقفوا على رجليهن، بس نحنا الله
حامينا، نحن شعب غير شكل.
مذيعة: بنهاية حلقتنا،
بنشكر الدكتور اللي شرحلنا سبب تخلف مجتمعات النفط، وتقدم مجتمعنا.
