صدى الشام موقع يهتم بما وراء الحدث
-شو عم يساووا بتلفزيونات الممانعة هل الأيام؟
-عنجد ما بتعرف؟
-لا والله
-سماع يا سيدي، قال هدول الجماعة
بلشوا بحملتهن الانتخابية، يعني من كم يوم وهني نازلين مسيرات تأييد، بس شو
مسيرات؟
-لك مسيرات شو وحملة انتخابية شو؟
-يا سلام، ليش ما بتعرف إنو بشار
بدو يرشح نفسو ع الرئاسة؟
-عم تحكي جد؟ رئاسة شو؟
-لك الرئاسة، رئاسة الجمهورية
-أيا جمهورية؟
-لك شو قصتك اليوم؟ كل سؤال وراه
سؤال؟ الزلمة بدو يرشح نفسو لرئاسة الجمهورية العربية السورية
-أخي خدني على قد عقلي، يعني هو
بدو يصير رئيس مرة تانية؟
-مو مرة تانية مرة رابعة وانت
الصادق
-إي ماشي، مرة رابعة، بس مين بدو
ينتخبو؟
-جماعتو
-مين جماعتو؟
-الشبيحة، وهالكم واحد اللي لساتهن
مصدقين كذبتو
-كم واحد، يعني قديش؟
-شو بيعرفني، مليون، مليونين، الله
أعلم
