صدى الشام موقع يهتم بما وراء الحدث
المذيع: ووقف السيّد وزير الخارجية إلى جانب السيد وزير الخارجية الروسي، والتقطا صورة تذكارية، ورفعا علامة النصر…
المخرج: لك منين جبت هالحكي؟
المذيع: هيك مكتوب قدامي
المخرج: مين كتب هالحكي الفاضي؟
الرفيق: أنا رفيق، ليش في مشكلة؟
المخرج: آه حضرتك كتبت هيك؟
الرفيق: إي شو ما عجبك هالحكي؟
المخرج: لا شو ما عجبني، بس يعني غريب نحنا مو بالعادة نكتب هيك بالأخبار
الرفيق: هي توجيهات المعلم
المخرج: قصدك الأستاذ وليد المعلم
الرفيق: لك شو وليد المعلم إنت التاني، عم قلك المعلم
المخرج: الله يصلحك كنت وقل هيك من الأول، خيوه قول كمان والأستاذة بثينة شعبان زغردت بها لمناسبة
المذيع: وقد زغردت الدكتورة بثينة شعبان بهذه المناسبة، وعقدت حلقة دبكة كان على الأول فيها الدكتور فيصل المقداد،
المخرج: لك شو هالحكي، شو دبكة ما دبكة
المذيع: إجتني رسالة على موبايلي من المعلم، في مشكلة؟
المخرج: إي على راسي إنتو والمعلم، قوموا خلونا نقمقش حطب لكان.
