بالسوري الفصيح

صدى الشام/

ما شاء الله قديش طلع في رقاصات بهالبلد، العمااااااا، دقلهن بيرقصوا، ختايرة و صبايا ما في فرق، كلهن بيرقصوا يا خال، بس يشوفوا حدا فايت عليهن بيتحزموا وبيرقصوا، مع إنو نحنا بنعرف إنو لازم الست يعني تستحي إذا شافت غريب، مو ترقص، رقاصات بالجهة الغربية، أكتر من هيك ما بتقدر توصفهن، عجوز عمرها سبعين سنة عم ترقص قال ليش لأنو الجيش فات على حلب الشرقية وحررها ومن مين حررها، من أهلها، شي بيخلي الواحد بيمشي يحكي مع حالو، إنو إذا مو طالع بإيدكن شي بترقصوا يعني، طيب كنتي انضبي ببيتك يا حجة بلا ما بيوم من الأيام يجي حدا حامل صورتك وانت عم ترقصي ويشحطك من حجابك ويقلك هاي إنتي وإلا مو إنتي؟ شو رح تقوليلوا وقتها؟ فكرت بهالشي خانم؟ فكرت بكرا لما الشعب بيكنس هالزبالة شو رح يصير فيكي وببنتك اللي كانت عم تزغرد، طيب وإذا الشباب سامحوكن، شو رح تقولي لأهل حلب الشرقية، يمكن في منهن ناس قرايبك أو جيرانك، فكرتي شو رح تقوليلهن لما بكرا يخلص كل شي ويرجعوا على بيوتهن ويشوفوكي، رح تقوليلهن غصبن عني، لا حجة والله مو غصبن عنك ولا شي انتي كنتي مبسوطة، مبسوطة لأنكن خلصتوا من هالهمج اللي كانوا بدهن يجيبلكون شوية كرامة بدال ما تضلوا ترقصوا بالشوارع كلما دخل عليكن شي حيوان جديد، شي بحجة المقاومة وشي بحجة الصمود، وشي بحجة الإسلام، كان بدهن يخلوكن بشر وعالم بس الظاهر إنتو ما بتستاهلوا غير تضلوا رقاصات، هلأ تطمنوا رح ترجعوا تطلعوا الساعة تلاتة بالليل، وتعملوا اللي بدكن إياه، وتحطوا البوط العسكري على روسكن لآخر يوم بحياتكن… بتعرفي شو يا حجة، كان بدي قلك كلمة كبيرة كبيرة كتير، بس استحيت منشان شيبتك اللي انتي ما استحيتي عليها…بس لك تفوووووووو