المعارضة السورية والنظام الأسدي بين فكي اللهجة السورية

رنا بركات

بعد أكثر من 4 سنوات
: لا نقد يعلو كلام السوريين للمعارضة والنظام في قاموس اللهجة السورية

بعد أكثر من 4 سنوات من تخبطات
المعارضة السورية والنظام الأسدي في المحافل الدبلوماسية وعلى شاشات الإعلام، وبعد
الشفافية المطلقة للمعارضة في المهاترات الإعلامية بين بعضهم، والتشبيح الإعلامي
للنظام، ودماء مئات آلاف السوريين لحسابات الكراسي، وهجرة العوائل السورية، والموت
غرقا في البحر المتوسط، أو الموت جوعاً في تغريبتهم الكبرى الداخلية والخارجية
….

بعد اليأس الشديد من مؤتمراتهم
وحلولهم الآنية ودمار البلد، ومستقبل أفغانستان السوري القادم، ووسط تهتك أخلاقي من
كلا الطرفين، يبقى للسوريين نافذة فكاهاتهم الخاصة بما تشرّبوه من موروثهم الجمعي
على أرض سوريا باختلاف تنوعهم الإثني، وما مر عليهم من تاريخ أسود بدأ بالاحتلال
والانتداب والبؤس والقمع زمن الأسد، ولم ينتهي حتى اليوم من اقتتال أبناء البلد
بعضهم ببعض …

هذه النافذة هي اللهجة السورية
التي أثرت في نفوس باقي الشعوب العربية، بما تحمل من نغم موسيقي فريد وجميل
وتعابير ومصطلحات باتت جميع الشعوب العربية تعرفها وتفهمها. فلو سلط السوريون
مصطلحاتهم المحكية على المعارضة والنظام، والتي لا يخلو منزل سوري من تداولها مع
كل وفاة مواطن سوري، ومع كل تصريح معارض سوري أو شبيح، سنصل إلى ما يلي: لا نقد
يعلو كلام السوريين بمصطلحاتهم البسيطة في وصف ما آلت عليه الأوضاع.

ردود فعل السوريين
على الواقع المعاش بلهجاتهم المحلية

نعم، علينا الاعتراف بأن المصطلحات
السورية هي نقد شعبي بامتياز. ونذكر منها:

تضرب بهالموديل على هالعلاك المصدي.

اسكت حاجتك عم تفرك من محطة لمحطة
مثل البرغوت باللبنية.

العين تطرئكم كلكم على هالحكي اللي
بسم البدن.

تعو شوفو شو حكا بدري … روكبت مع
هالشناتير… نزعتولنا مرائنا الله يسم بدنكم يا رب.

الله لا يشبعكم، أنا بدي أفهم شلون
عم يبيض كل بيضة أكبر من الثانية، وكأنو ما رح يجي يوم يتعلق من كرعوبو إذا فكر
يدخل على البلد.

حاج تحكي شندي بندي روح وإلهي ينحط
حطامكم قدامكم، العمى بعيونكم ما بتستحوا.

شوفو كيف انطعج من السؤال جاوب
لشوف يا فهيم.

ورصاص يرصك على هالجواب الله يلعن
اللي عطاك شهادة، قال دبلوماسي.

وجع بقلبكم الله يهدكم مثل ما
هديتونا.

ليكوه الحمار اللي معبا ببنطلون.

والله العظيم هالزوج عقلن جوزتين
بخرج.

قال المعارضة تقصف بالطيران، على
هالحكي اللي بلا طعمة … البراميل عم تنزل فوق روسنا ولسا عم يحكو شروي غروي،
اللي استحوا ماتوا.

عم تتبجحوا بالمصاري اللي اجتكم،
وينها تعو طعمونا.

شوفي هالجدبة الولد عم يبكي من
الجوع، وهيي بدا تخليه يرسم. روحي اشتريلوا سندويشة فلافل شحار يمعكك الهي.

مساعدات لداريا إلهي تاكلك الدودة
العميا إذا وصلنا شي، يلعن ابوكم واحد واحد شلة حرامية ونصابين.

يبعتلك قتلك شو سمج، واسا عم تحكي
عن مدارس موسيقا بالداخل وداعش معباية البلد.

عم تسلبها عربنا يلعن اللي نفضكم.

وين الدوا اللي وصل، يقصف عمرك شو
منكوشة نكش.

ليك صار وتصور على التلفزيون،
والله بعيني اللي رح ياكلا الدود شفتوا وقت كان يمشي بالحارة والشبرية بجيبوا، هلق
صار حاكم بأمر الله يقضي بالمعروف …………

تختخنا وهنن لسا عم يتقاتلوا، إلهي
نشوف فيكم يوم.

شوفولي هالزوعة اللي عاملة قنزوعه،
تضربي انت ودعمك بحفض الكر.

ومن الأمثلة الكثير، لم يذكر لأنه
يحمل شتائم أكبر تعود تبعاً للمنطقة الجغرافية وعاداتها.

فيا حلّو عننا يا حلّولنا هالسيرة،
ولو حكيتو عدل ومشيتوا أعوج… بس خلصونا