بالسُّوري الفصيح

في حدا غيري حاسس إنو في شي كبير بدو يصير بهالكم يوم؟ يعني ما بعرف صار لي يومين تلاتة حاسس إنو الأمور بدها تزبط، أكيد عم تسألوا حالكن ليش، هادا يا سيدي من كم يوم كنت عم تابع التلفزيون، وحطيت على الإخبارية السورية، وشفت لقاء مع وحدة قال شو بتشتغل أستازة بالعلوم السياسية وما بعرف شو كمان، وكانت عم تحكي عن الانتخابات واللزي منو، شي مرتب، كلام مهم كتير، بس وحياة جوز خالتي ما فهمت منو ولا كلمة، بس كانت المزيعة عم تهز راسها، وقلت لحالي ليش لأ وأنا كمان صرت هز راسي، شي رفع إنو يعني بدو يصير، وهيك  ومن خلال وما بعرف شو كمان، ونتيجة للظروف، وحكي مهم، عنجد مهم، هلأ أكيد عم تسألوا حالكن من وين إجاني الإحساس إنو في شي رح يتغير، رح قلكن، هادا يا سيدي، الدكتورة ومعليش سامحوني مو متزكر اسمها بنوب، المهم الدكتورة قالت بالأخير إنو قانون الانخابات مدري الانتخابات هو نقلة نوعية مهمة بمستقبل سوريا… أيواااااااااااا، فمعناتو لازم ارتاح وإلا أنا غلطان؟

واحد سوري