صدى الشام موقع يهتم بما وراء الحدث
صدى الشام/
مذيعة: وانتصرت حلب، استاذ عفوا بنقول الشرقية وإلا الغربية؟
مخرج: ما بعرف، ليش شو مكتوب قدامك.
مذيعة: مو محددين، كاتبين حلب بس، وخايفة إزا ما حددنا بيعملولنا مشاكل.
مخرج: مزبوط، معك حق، طيب استني شوي خليني احكي مع المعلم… صباح الخير معلم، بالموجز مو كاتبين حلب شرقية وإلا غربية، مزبوط هيك… طيب شو بدنا نساوي… طيب ماشي، عم استناك.
مذيعة: خير أستاز شو قال المعلم.
مخرج: ما بيعرف، بس راح يتصل بالوزير ليشوف… هاي هو عم يدق خليني شوف شو صار معو… ايوا معلم، معقولة، الوزير كمان ما بيعرف، طيب شو الحل؟ ايوا الوزير رح يتصل بالقصر، طيب عم نستنى….
مذيعة: شو استاز
مخرج: الوزير رح يتصل بالقصر، والقصر رح يتصل بطهران، وطهران رح تتصل بموسكو، طولي بالك شغلة ساعتين وبيجينا الرد على شو مستعجلين، المهم الدقة والموضوعية… شو؟
مذيعة: الدقة والموضوعية… معك حق… بتشرب نسكافيه؟
