موجز أخبار

صدى الشام/

المخرج: نعم حاضر سيدي، مفهوم، مفهوم، أمرك.
مذيعة: خير أستاذ
المخرج: ولا شي، ابدأوا الموجز، بس ما تجيبوا سيرة تركيا ولا إسرائيل ولا حلف الناتو ولا بريطانيا ولا لبنان ولا ليبيا…
مذيعة: طيب شو بدنا نحكي أستاذ؟
المخرج: بسيطة، اسمعي قامت قواتنا البطلة بقتل ثلاثين إرهابياً في منطقة دير الزور
مذيعة: قصدك محافظة؟
المخرج: ما بتفرق كتير. والخبر الثاني: كما قام أبطال قواتنا المسلحة بإعطاب عدد من آليات الجماعات الإرهابية المسلحة في غوطة دمشق… الخبر الثالث، تمكن نسورنا الأبطال من تدمير عدد من أوكار العصابات الوهابية في محافظتي حمص وحماه… الخبر الرابع يكون عن الخليج، قولي مثلاً استمرار المؤامرات الصهيووهابية التي تستهدف محور المقاومة والممانعة، وهيك شي يعني…
مذيعة: طيب ليش هالتغيير أستاذ
المخرج: لك يا عيني تصالحوا تصالحوا، وصاروا سمنة على عسل. والأوامر جاية من موسكو مو من المهاجرين.. ولا تنسي تقولي بالأخير نهاية الموجز منشان سمعة المحل…