بالسوري الفصيح

التقرير… 

لا، لا يروح فكركن لبعيد مو قصدي فيلم التقرير تبع محمد الماغوط ودريد لحام، أكيد مو هيك قصدي، أنا قصدي التقرير اللي مدتو تلاتة وخمسين دقيقة عفواً مو دقيقة ثانية ومصور بكاميرا احترافية، واللي أنتجوا الائتلاف الوطني السوري لقوى الثورة والمعارضة- وحدة جنيف الإعلامية، واللي بصراحة خلانا نترحم على تقارير الإخبارية السورية، شو شباب معقولة، ما طلع معكن أحسن من هيك، معقولة معزبين حالكن وعاملين وحدة جنيف منشان هالتقرير، اللي ما في ولا شي من المهنية والحرفية والملوخية، ولا في شي أصلاً، العمى شو ما عم تشوفوا تلفزيون، بعلمي عم تاخدوا هديك الحسبة، ومزبطين حالكن، ومحملين الدنيا منية إنكن متحملين وما بعرف شو، بصراحة ومن دون لف ودوران تقريركن سخيف، وما لو علاقة بالتلفزيون أو بالانترنت ولا إلو علاقة بشي، لو ضليتو ساكتين، والله كان أحسن، عن جد، كنا قلنا ما قدروا يشتغلوا، بس هيك شغل…. روحوا الله…. وإلا بلا مشان ما تزعلوا.

واحد سوري