صدى الشام موقع يهتم بما وراء الحدث
مذيعة: ومعنا من جنيف زميلتنا أليسار معلا، أليسار كيف الأوضاع اليوم؟
أليسار: الأوضاع منيحة، ووفدنا محضّر حالو منيح
مذيعة: شو في تسريبات؟
أليسار: في كتير تسريبات، امبارح ونحنا مجتمعين مع السيد وزير الإعلام، سرّبلنا خبرين الأول بيقول إنو وفد ما يسمى بالمعارضة رح يحضر اللقاء مع الإبراهيمي ووفدنا كمان رح يحضر، بس السيد وزير الخارجية ما رح يكون موجود لأنو امبارح تقل بالعشا
مذيعة: إي شو الخبر التاني؟
أليسار: إي الخبر التاني، الأستاذ بشار الجعفري كمان ما رح يقدر يحضر
مذيعة: ليش؟
أليسار: امبارح كان سهران وتقل بالشرب، ولهلأ ما صحي، ومدام لونا اتصلت بالسيد الرئيس وخبرتو بكل شي.
مذيعة: طيب أليسار، شو أجواء التفاوض؟
أليسار: نحنا ثابتين على مبادئنا وما رح نزيح عنها،
مذيعة: إي منيحة طمنتيني، لأنو صحف ما يسمى بالمعارضة، عم تقول إنو وفد الصمود والتصدي ممكن يطلب لجوء بسويسرا.
أليسار: شو؟ مين قال هالحكي؟ نحنا ما بنطلب لجوء على سويسرا لأنها باردة كتير، وما فيها دفء وطنا، بس إذا عطونا لجوء بأمريكا يمكن نفكر بالموضوع.
