موجز أخبار

المذيعة: بنحب نقلكن
أعزاءنا المشاهدين إنو كل المشاهد اللي عم تتابعوها ع القنوات المغرضة، وهني ما
بينقلوا الحقيقة أبداً وكل حكيهن كذب بكذب، لدرجة إنهن ممكن يكذبوا بنشرة الأخبار
الجوية

فاصل

المخرج: يخرب بيتك
منين جبتيها هاي تبع النشرة الجوية؟

المذيعة: إي شو فيها
مو انتي قلتلي إنو هني بيكذبوا بكل شي؟

المخرج: إي قلنالك
بكل شي بس مو بالنشرة الجوية

المذيعة: إي وليش
النشرة الجوية، شو على راسها ريشة؟

المخرج: لك لأ يخرب
بيتك، ما بتعرفي إنو نحنا أصحاب براءة الاختراع بهالمجال، نحنا الوحيدين
بهالمجال… فهمتي كيف؟.

المذيعة: إي فهمت،
تذكرت، إي صحي

(فاصل)

شريط إخباري: قامت
وحدة من قواتنا المسلحة بتدمير ثلاث عربات مصفحة وسيارتين دفع رباعي عليهما رشاش
دوشكا، وقتل خمسين إرهابياً، وستة وثلاثين مسلحاً في عملية نوعية استطاع خلالها
مقاتلونا الأبطال محاصرة الإرهابيين في أحد الأماكن التي يتحصنون بها.

لك معلم ما قلتولنا
وين صارت هالبطولات؟

أي بطولات؟

هاي اللي جاية
بالشريط الإخباري

ليش مو قايلين إنها
بأحد الأماكن

مبلى، بس ما عرفنا
وين هي الأماكن

دخيلك على أساس في
حدا سائل، إي محمد عبدو بيغني من الصبح الأماكن وما حدا سألوا وين هالأماكن، نحنا
حطينا خبر واحدا صار بدك تحقق معنا… حل عنا.أصأ