صدى الشام موقع يهتم بما وراء الحدث
المراسلة: مرحبا
عزيزي المواطن
المواطن: أهلين
عزيزتي المراسلة
المراسلة: عزيزي
المواطن، شو بتحكيلنا عن الأسعار بالسوق اليوم
المواطن: شوفي عزيزتي
المراسلة، كل شي منيح، يعني في شوية غلا، بس كل شي متوفر، يعني مثلا البندورة، هاي
بندورة، موجودة، وهادا خيار موجود كمان، واللحمة… إي هون في لحمة، كل شي الحمد
لله متوفر
المراسلة: شفتو شلون
أعزائي المشاهدين كل شي متوفر بالأسواق، والحكومة عم تقوم بواجبها، وما في شي
ناقص، وهلأ بنرجع للزملاء بالاستديو.
فاصل
المراسلة: خلصنا
تصوير
المخرج: إي خلصنا
المراسلة: وينو هادا
المواطن تبع البندورة؟
المخرج: ليش شو بدك
منو؟
المراسلة: بدي أعرف
كيف عم يقدر يشتري هالشغلات لبيتو وشكلو منتوف
المواطن: (ضاحكاً)
ليش أنا قلتلك إني عم اشتري شي، أنا كل يوم بجي ع السوق بتفتل بين محلات هالخضرة،
وبرجع ع البيت احكي لمرتي وولادي شو شفت، قال اشتريت قال، ليش مو شايفة الأسعار؟
فاصل
مذيع: كما أعلنت وزارة
النفط أن مادة البنزين متوافرة في كافة محطات الوقود وبسعر مئة ليرة سورية للتر
الواحد، ولا توجد أزمة أبداً
المواطنون:
هيييييييييييييييييه.
