صدى الشام موقع يهتم بما وراء الحدث
مذيعة:
أعزائي المشاهدين ننتقل الآن إلى مجلس الشعب لنقل وقائع جلسة القسم التي يؤدي فيها
السيد الرئيس بشار الأسد القسم الرئاسي لولاية جديدة بعد نجاحه في الانتخابات
الرئاسية.
مخرج: مو
مجلس الشعب صلحيها
مذيعة:
هيك مكتوب ع الورقة
مخرج: يا
عزيزتي مكتوب قصر الشعب
مذيعة:
كيف يعني ليش القسم مو بمجلس الشعب؟
مخرج: عم
قلك قصر الشعب، شو دخل مجلس الشعب بالقسم؟
مذيعة:
بالعادة الرئيس بيقسم بمجلس الشعب، مو بالقصر
مخرج: إي
بطلنا هالعادة، هلأ صار القسم بقصر الشعب، قال مجلس قال، بدك تروحينا، خلصينا كل
شغلة بدك تفاصلي فيها، قولي قصر الشعب خلونا نعرف نسجل الموجز ونطلع باقي ربع
ساعة.
مذيعة:
ماشي، ماشي، أعزائي المشاهدين ننتقل الآن إلى قصر الشعب لنقل وقائع جلسة أداء
القسم التي يؤدي فيها السيد الرئيس بشار الأسد القسم الرئاسي لولاية جديدة بعد
نجاحه في الانتخابات الرئاسية.
مخرج: لك
يا عمي كيف جلسة هاي مو جلسة هذا أداء قسم، جلسة شو إنتي التانية؟
مذيعة:
والله هيك مكتوب، ما عم جيب شي من عندي
مخرج:
ومين الحمار اللي كتب هالكلام؟
مذيعة:
وطي صوتك هادا جاي من فوق
مخرج: لك
عمي جلسة ونص، لك جلستين، شو فارقة معي، جلسة وخلصنا.
