موجز أخبار

المذيع:
يستمر توافد المواطنين على الساحات العامة للمشاركة في مسيرات التأييد للاستحقاق
الرئاسي

مخرج:
مواطنون مو مواطنين

المذيع:
كيف؟ لأ، مواطنين مو مواطنون

مخرج: لك
يا حبيبي مواطنون، لأنها فاعل

المذيع:
كيف فاعل، ليش شو دخلهن المواطنين بالفاعل

مخرج: هني
فاعل

المذيع:
إي بس هي مواطنين، ما بيصير مواطنون

مخرج:
العما ع الغباء عم قلك مواطنون، لأنو هني راحوا ع الساحات العامة.

المذيع:
بس هني ما راحوا لحالهن، يعني أكيد خبروهن يروحوا لهيك هني مو فاعل، هني مفعول به

مخرج: عم
قلك فاعل، وبلا كترة غلبة، قول مواطنون وخلصنا، لسه كل شو اسمو بدو يعمل حالو
فهمان، بعدين إذا قلت مواطنين الإعلام المغرض رح يقول إنهن مجبرين يروحوا، ويعملهن
مفعول به، ونحنا بدنا ياهن فاعل.

المذيع:
يستمر توافد المواطنون على الساحات العامة للمشاركة في مسيرات التأييد للاستحقاق
الرئاسي.

مخرج: شفت
ما أحلاك… مواطنون والله أحلى.