صدى الشام موقع يهتم بما وراء الحدث
وبمناسبة عيد الميلاد المجيد أعزّائي المشاهدين قام كاميرتنا بجولة في شوارع الشام، وأعدّت لنا التقرير التالي، خلونا نشوفو مع بعض:
– مرحبا
– أهلين
– شو جاي تعمل بالسوق؟
-والله متل مو شايفة حضرتك جينا نشتري هدايا للولاد وتياب جديدة، لأنو بكرا عيد المولد
-قصدك عيد الميلاد
-إي إي عيد الميلاد
-وشو بتحب تقول بهالمناسبة؟
-والله بهالمناسبة بحب وجه تحية لكل أخوانا اللي معيدين ونقلهن إنو اللحمة الوطنية بتخلينا قراب من بعض، ونحنا كلنا ضد المؤامرة الكونية، وإن شاء العيد الجاي بتتحقق كل أمنياتهن.
-شكراً إلك عمو، شو اسمو ابنك الله يخليه؟
-هادا ابن ابني
-ممكن نعرف شو اسمو؟
-إي محمد ابن ابني وهو كل سنة بيحتفل بعيد المولد، وبيروح هو وأخواتو ع الجامع، وكل عام وأنتو بخير.
