الآن
الرئيسية / Uncategorized / بالسوري الفصيح

بالسوري الفصيح

صدى الشام/

من يوم اللي شفنا خلقة المعارضة المفككة ما شفنا الخير، بيحسهن الواحد ما لهن شغلة ولا عملة غير يخربوا الثورة ويتآمروا عليها، إي عنجد بيتآمروا عليها، لك اشتهيت واحد منهن يكون زلمة متل ما بنقول بالعامية وبيكون قلبو على الناس اللي التعن نفسهن مهجرين ومعتقلين، ومصابين ومعاقين، الجماعة بيحسهن الواحد أخدين إبر ضد الإحساس، ما بيحسوا أبداً، خود منهن علاك مصدي ولقاءات تلفزيونية، ما بيعرفوا شو بيحكوا بيعلكوا علاك فاضي، وبيضحكوا على العالم، كلهن من دون استثناء إلا من رحم ربي واستحى على حالو وقال ماني قد هالشغلة وراح اتخبى بشي مكان، شي بيخلي الواحد بيقول العما لهالدرجة سوريا ما فيها ناس تفهم بالسياسة، لك لهالدرجة طلعوا ولاد وما خرجهن هالشغلة وهني كانوا صارعين روسنا بحكاياتهن النضالية اللي طلعت كلها كزب بكزب، الله وكيلكن… قال وشو نحنا بنتمسخر على الجعفري وخالد العبود وغيرهن، لك تعالوا شوفوا اللي عنا، يعني أنا مثلا اشتهيت هاي “الحرة وسام” اللي صارت بلا طعمة تحمل هالتلفون وتتصل بالمعارضين واحد واحد وتلعنهن، يعني معقولة متعبة حالها ورايحة متصلة بواحد متل عبد الله الحاج ملك جمال سوريا المحترم،  وقال شو الحرة وسام تمسح الأرض بالمدعو، يعني هيك شغلات بتخلي الواحد يتمنى تجيها للحرة وسام فاتورة هاتف بشي مليون دولار بلكي تبطل اتصالات وحكي فاضي، هادا نموذج للناس اللي على أساس عم بتمثل الثورة، وإلها جمهور، وبكل عرس صارلها قرص، شي بيقرف، وهيك حال معارضتنا كلها قشة لفة، لكان بشرفكن بيطلع تقرير أمنيستي اللي كشف فظائع بتشيب الراس، ومعارضتنا اللي عم تاخد ملايين الدولارات من هون وهون ما عرفوا يطالعوا تقرير متل العالم والناس من خمس سنين ونص، لك حكي وإدانات وشجب واستنكار، الله بلانا فيهن وما بقا نعرف نتخلص منهن، بعد كم يوم رايحين ع المفاوضات إيد من ورا وإيد من قدام رايحين يحكوا ويطالبوا المجتمع الدولي بإزاحة الطاغية وما بعرف شو كمان، عنجد هيك بدهن يعملوا، ومانهن عرفانين إنو المجتمع الدولي مو قابضهن بالمرة وعرفان شغلتهن فاضية، لك إزا أنا مو قابضكن فشلون المجتمع الدولي بدوا يقبضكون؟

الله لا يسامحكون ائتلاف ومجلس وخلافو وخلافو… الله ينتقم منكن فرداً فرداً وفردة فردة كمان…

شاهد أيضاً

مجلة بريطانية: انتصار الأسد في سوريا “أجوف”

اعتبرت مجلة “إيكونوميست” البريطانية، أن الانتصارات التي يحققها بشار الأسد في الشمال على حساب المعارضة،  …

اعتقال سوريين أعادهم لبنان “قسرًا” إلى بلدهم

قال تقرير دولي صادر عن منظمة “هيومن رايتس ووتش”: “إن النظام السوري اعتقال مدنين سورييين، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

17 + 13 =