الآن
الرئيسية / ميديا / فضائيات / موجز أخبار

موجز أخبار

مذيعة:
قامت طائرات العدو الصهيوني بشن غارات داخل الأراضي السورية، وأطلقت مجموعة من
الصواريخ على بعض مواقعنا العسكرية، وقد ردت عليها المقاومات الأرضية

مخرج:
ستوب، مين قال ردت ما ردت، عيدي الله لا يوفقك

مذيعة:
ماشي، بس بلاها البهدلة، ليش أنا اللي كتبت الخبر، قامت طائرات العدو الصهيوني بشن
غارات داخل الأراضي السورية، وأطلقت مجموعة من الصواريخ على بعض مواقعنا العسكرية،
وقد أعلنت القيادة العامة للجيش أن الجمهورية العربية السورية تحتفظ بحق الرد على
هذا العدوان.

مخرج:
ستوب، ستوب، الله لا يوفقك، مين قال إنو نحنا نحتفظ بحق الرد،

مذيعة: ما
حدا قال بس مو هيك العادة هني بيضربوا ونحنا بنحتفظ بحق الرد، والله بعرفها هالقصة
ما بدها ذكاء.

مخرج: لا
حبيبتي، ما فيها حق رد هالمرة، قولي هذا عدوان استفزازي.

مذيعة: بس
هيك؟

مخرج: إي
بس هيك ما بيكفي؟

مذيعة:
مبلى بيكفي، بس بقول إجرامي، وإلا ما بقول؟

مخرج: عم
قلك استفزازي، وبس خلصينا بدنا نسجل منشان الوقت

مذيعة: إي
ماشي، متل ما بدك، قامت طائرات العدو الصهيوني بشن غارات داخل الأراضي السورية،
وأطلقت مجموعة من الصواريخ على بعض مواقعنا العسكرية، وقد أعلنت القيادة العامة
للجيش أن الجمهورية العربية السورية تعتبر هذا العمل استفزازياً. منيح هيك

مخرج: إي
منيح، أصلاً كتير منيح هيك.

شاهد أيضاً

منع فريق فيلم سوري من حضور مهرجان في مصر بسبب “التأشيرة”

رفضت السلطات المصرية، منح فريق فيلم “يوم أضعت ظلّي” تأشيرات دخول إلى مصر، للمشاركة في …

دورة في الصحافة الاستقصائية في اسطنبول تنظمها صدى الشام

تعلن مؤسسة “صدى الشام ميديا” عن إجراء دورة في أساسيات الصحافة الاستقصائية، تهدف من خلالـها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

20 − 7 =