الآن
الرئيسية / ميديا / فضائيات / سيناريو رمضاني

سيناريو رمضاني

عنجد
النزام لعبا سح

وما بقا
حدا بدو السورة

السورة
صارت بح

وليك شوف
شو سار ما بقا في سوار

في
مجاهدين

وليييييه

بردون مو
متعودة قول هالكلمة لانا عنجد عنجد هيك يعني غليزة ما حبيتا

من تلت
سنين كانوا يتلعوا مزاهرات

هلأ ما
بقا في مزاهرات

هلأ صار
في جبهات قال شو عم بيحرروا

بالله شو؟؟
اي روحوا حرروا فلسطين بالأول ازا كتير شاطرين

بس هني مو
شاطرين

هني
ارهابيين يقطع عمرن

شو كان
بدنا بهالسورة كنا عايشين وما احلانا

في عنا
مسابح واوتيلات وعنا كل شي

قال بدهن
حرية.. لك حرية شو؟

عنجد عنجد
شو كان بدهن؟

اصلا هدول
ما بيعرفوا شو يعني حرية

نحنا طول
عمرنا عايشين بحرية منفوت ومنطلع وقت ما بدنا منسافر ومنرجع وبحياتو ما حدا قال
ممنوع

هاي مو
حرية؟

اي شو كان
بدنا بهالسورة لكان؟

قال بدهن
يعملوا متل فرنسا هههههه

ليش كتير
عاجبتن فرنسا؟

ما فيها
شي زيادة عنا عنجد انا كل صيفية بقضيها بباريس

وبعرف
فرنسا منيح ما لقيت فيها شي زيادة

مسابح
واوتيلات صحي احلى من اللي عنا بشوي بس مو مشكلة شوي شوي بنزبط تبعولنا

اي قال
هالكم ازعر بدهن حرية

لك ولعية
قال حرية قال طيب مو في بحلب نادي اسمو
الحرية كانوا يروحوا يشجعوه ويخلصونا

وازا بدهن
كرامة كمان يروحوا على حمص ويصيروا من الفانز تبعول النادي ويخلصونا

انت عاجبك
اللي عم بيصير؟

ليش ساكت؟

شو انا
معي حق مو هيك؟

-.. قومي
عملينا قهوة وحاجة تعوجي لسانك، لسه بس النسوان ما حكوا بالسياسة، تضربي بهالوش.

-حاضر ابن
عمي.

شاهد أيضاً

بشّار الأسد: لا أكترث لوصفي بـ”الحيوان”

قال بشار الأسد إنه لا يكترث لوصفه بالحيوان من قبل دونالد ترامب، زاعما في مقابلة …

إلى مستخدمي “تويتر”.. غيّروا كلمات السر فوراً!

نصحت شركة تويتر، مساء أمس أمس الخميس، جميع مستخدميها بتغيير كلمة السر، بعد كشف خلل …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

1 × three =