الآن
الرئيسية / منوعات / برافو حبيبي

برافو حبيبي

احمد العربي

ربتت على ظهره، وكأنه كلب
الشارلو الخاص بها. في مشهد رومانسي غاية في الروعة، يمثّل فاتحاً عائداً من
معركته منتصراً.

همست في أذنه بكلمات الثناء،
والابتسامة تعلو وجهها فخراً. سارا معاً بخطوات واثقة، وهما يلقيان التحية على
الجمهور الذي ألهب القاعة حماسة وتصفيقاً وزغاريد. قدم له بعض الغلاة من الموالين
فروض الطاعة التي استقبلها على مضض. فهي ليست بجديدة ولكن حرارة الشمس هي التي
أزعجته، فاستعجل الرحيل معها.

ركبا السيارة، فالتقط
أنفاساً باردةً من مكيّف الهواء، وجفف قطرات من العرق كانت على جبينه. نظر إليها
نظرة محب، وأمسك بيدها، كما يمسك المقاتلون- الذين شكرهم- بالبندقية. اعتلت الحمرة وجنتيها خجلاً، واختفت
عيناها خلف ستار جفنيها في إغماضة حب. وبصوت متهدج قالت له:” برافو حبيبي”
سحب يده، وانتصب فخراً، وبحركة هادئة حلّ قليلاً ربطة عنقه التي تذكره بالمشنقة،
وبلهجة عامية تمثل له مخرجاً من فخاخ العربية الفصحى التي أرهقته لساعتين قال لها:
” قرد كيفك فيا هالوقفة والخطاب إلي فقعتو ؟؟عزمتي حسيت إني كنت احسن من بيي
بزمانو والإمامو علي ماعرفت حالي”. أمالت رأسها وذبلت عينيها، وقالت بحنان: “حبييييبي
شو افقعتو ما افقعتو؟؟ مفكر حالك قاعد مع علي الديك عيب حبيبي”. رد خجلاً
” معك حق بس من فرحتي وبعدين أفي حدا غريب هلق قليلي كيف لقيتيني “.
“بتجنن حبيبي”. “عنجد ولا القرد بعين مرتو غزال هههههههه”؟
رفعت حاجبها الأيسر مشيرة إلى أن كلامه لم يعجبها. أحس بذلك، فصمت عن القهقهة،
أردفت قائلة: “أنا كم مرة قلتلك تبطل بياخة وثقل دم يعني ما صار إلا وفضحتنا
بسخافتك وغلاظتك قدام العالم. وبعدين أنا كم مرة قلتلك ابتسم ابتسامة خفيفة بس
لانو لما تضحك بيطلع شكلك كتير غبي”. صعقته تلك الكلمات المحبطة، فقال
بانكسار:” هلق هنا هيك”؟. ردت بصوت ناعم ونبرة عبرت عن ندمٍ على فجاجة
ما قالت.” حبيبي أنا مشانك، وبعدين هالواطي إلي كتبلك الخطاب، ما نبهتو انو
ما يكتر كلمات فيها حرف السين ليش مكترهن”؟. في محاولة منها لتغيير الموضوع.
برحابة صدر المحب، قبل اعتذارها المبطن. وقال:” شو بدي ثاوي إذا اثم البلد
يبدأ بحرف الثين غيّر اثم البلد يعني”؟. قالت بحماسة:” اي ليش لأ حبيبي
مو أنت الرئيس، وفيك تساوي إلي بدك يا، وماحدا بيسترجي يحكي”؟ قال:”
مزبوط بث مو لهل درجة يعني”. قالت:” أصلاً سوريا بتدل عالسريان ليش ما
بتعملها (عوريا ) بتدل عالعلويين طائفتك حبيبي ليش لتظل للسريان”؟. لم يحتمل
سذاجة الطرح، فقال بغضب وقد أتته فرصة الانتقام:” اتركينا من غبائك هلق
وكمليلي عن الخطاب” أنا غبية يا بطة أصلاً كان شكلك بالخطاب بقرف، صبغة شعرك
كتير باينة، أكيد هي هديل الشرشوحة إلي صبغتلك. وطقمك كتير فولكير هاد زوق الشرشوحة
التانية لونا مو هيك. وحكيك كلو كزب، يخرب بيتك عم تحكي عن الأخلاق. فعلاً متل ما
قالو عنك المعارضة: العاهرة أكثر الناس حديثاً عن الشرف. وأكتر شي بيضحك، كان حكيك
عن الفساد، خصوصاً بحضور أكبر فاسدي البلد، يعني ذكرتوني بعلي بابا ورفقاتو. ييي
ولا هداك الحشاش جورج وسوف كيف كان قاعد، يعني إذا بيحشش هو وأخوك بيقوم بجيبو
يحضر الخطاب. وما عرفتك يا ابن أنيسة، وأنت عامل حالك دونجوان وعم تطبق بهي
الممثلة الغليظة ديمة قندلفت، ومقعدة بالصف الأول، ولابستلك تنورة قصيرة كمان، لك
يخرب بيتك حتى نجاح العطار ما وفرتها، وكنت عم تتغمالها”.

احمرَّ وجهه غضباً من هول
ما سمع فقال: “هيك ما تحكي يابنت ال..على كل حال أمي جاية بعد كم يوم من دبي
لتباركلي عالخطاب وبس تجي بخليها تفرجيكي”.” هي بدها تفرجيني، أصلاً طوّل
بالك كم يوم وبيجي معلمك قاسم سليماني، بس ليحل مشكلة الجحش التاني تبع العراق. وساعتها
بفرجيك. ووينك قلو لابن خالك الحرامي، شركات بابا بدها تاخذ عقود بإعادة الإعمار
غصبن عنو”. في هذه الأثناء كانوا قد وصلوا إلى مكان إقامتهما الذي لا يعلمه
إلا الله. فخرجت من السيارة، وأغلقت الباب بعنف قائلة:” أنا رايحة احرد ببيت
السيد حسن عند أم هادي. لبين ما تتأدب”. ومن يومها، مازالت محاولات الفنان
أيمن زيدان_ أبو ظافر في باب الحارة_ مستمرة للصلح. كما أصلح بين بنت أبو عصام
وزوجها في نفس المسلسل عله يظفر بزعامة الحارة.

شاهد أيضاً

النظام يسرّح “الدورة ١٠٢” بعد ثمانية سنوات من الخدمة

سرّحت قوات الأسد، الدورة “١٠٢” التي تُعتبر أقدم دورات جيش النظام خلال سنوات الثورة السورية، …

النظام يقرّر إزالة 90% من حواجز دمشق

يعتزم النظام السوري، إزالة معظم الحواجز العسكرية والأمنية داخل العاصمة السورية دمشق وفي محيطها، وذلك …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

19 − 3 =